महाड मध्ये जल जीवन चे निकृष्ट दर्जाची कामे !

Raigad : Mahad ; 

महाड तालुक्यात 134 ग्रामपंचायत असून 188 महसुली गावांसाठी जलजीवन मिशन योजनेअंतर्गत 133 नळ पाणीपुरवठा योजनांची होत असलेली गावनिहाय लाखो रुपयांची कामे पाणीपुरवठा विभागाच्या अधिकाऱ्यांच्या वरदस्थामुळे निकृष्ट व बोगस दर्जाची झाल्याने सन 2024 मध्ये तरी महाड तालुका टँकर मुक्त होण्याची शक्यता धूसर असल्याचे चित्र ग्रामीण भागात पाहण्यास मिळत आहे.

 

राष्ट्रीय जलजीवन मिशन योजनेअंतर्गत प्रतिव्यक्ती 55 लिटर पाणी मिळावे यासाठी सन 2021 -22 पासून या योजनेच्या कामाला सुरुवात झाली महाड तालुक्यात 134 ग्रामपंचायती व 188 महसुली गावे असून शहरी भागाची लोकसंख्या 41 हजार 236 तर ग्रामीण भागाची लोकसंख्या एक लाख 38 हजार 955 आहे तर महाड तालुक्याचे भौगोलिक क्षेत्रफळ 796.67 चौरस मीटर आहे

 

महाड तालुक्यातील बहुतांशी भागातील गावे दुर्गम व डोंगराळ भागात वसलेली आहेत मात्र जलजीवन मिशन योजनेअंतर्गत कामे करताना मे महिन्याच्या अखेरपर्यंत नळ पाणीपुरवठा योजनेसाठी घेतलेल्या उद्भव विहिरीतील पाणी पुरेल का याची खातरजमा . अंदाजपत्रक बनविणाऱ्या पंचायत समितीच्या पाणीपुरवठा विभागाने न करता अनेक ठिकाणी ुढार्‍यांच्या सल्ल्याने विहिरी बांधण्याची कामे केली गेली आहेत.

 

कोकणात मार्चपासून शेतीसाठी राब लावणे किंवा जंगलात वनवे लावण्याचे प्रकार वारंवार घडत असतात जलजीवन मिशन योजनेअंतर्गत नळ पाणीपुरवठा योजनेसाठी वापरण्यात आलेले पाईप हे फायबर युक्त प्लास्टिकचे आहेत तसेच ते जमिनीत एक मीटर खोलीवर ट** आवश्यक असतानाही अधिकारी वर्गांच्या दुर्लक्षितपणामुळे अनेक गावात नळ पाणीपुरवठा योजनेची कामे करताना तांत्रिक बाबीची अंमलबजावणी न करताच केली गेली आहेत अनेक गावात या नळ पाणीपुरवठा योजनेसाठी टाकण्यात आलेले पाईप हे जमिनीच्या वर उघड्यावर आलेले दिसत आहेत फायबर युक्त प्लास्टिकचे पाईप हे उन्हाळ्यातील. कोकणातील 45 डिग्रीच्यावर तापमानात असणाऱ्या कोकण प्रदेशात हे चालू शकणार नाहीत असे असताना देखील कंपनीच्या हितासाठी व अधिकारी व ठेकेदार मंडळींना मिळणाऱ्या कमिशन पोटी हे पाईप खरेदी करून वापरण्यात आले आहेत.

 

जलजीवन मिशन योजनेअंतर्गत नळ पाणीपुरवठा योजनांसाठी टाकण्यात. फायबर युक्त प्लास्टिकचे पाईप दोन वर्षातच निकामी होतील भविष्यात या प्लास्टिकच्या पायपाला तडे जाऊन ते अनेक ठिकाणी पाण्याच्या प्रेशरने फुटण्याची शक्यता आहे अशावेळी त्याची जबाबदारी कोण घेणार असा प्रश्न अनेक गावातील ग्रामस्थ प्रशासनाला विचारत आहेत?

 

महाड तालुक्यातील अनेक गावे दुर्गम डोंगराळ भागात असताना वर्षानुवर्ष या गावांना जाणवणारी पाणीटंचाई याबाबत लोकप्रतिनिधींना काही घेणेदेणे पडलेले नाही तीच अवस्था अधिकारी वर्गाची आहे कोणत्याही गावाची नळ पाणीपुरवठा योजना करताना ती नियोजनबद्ध व तांत्रिकदृष्ट केलेलीच नाही केवळ करोडो रुपये खर्च करायचे व आपल्या पदाधिकाऱ्यांना त्याच्यावरती पोट भरण्यासाठी ही योजना असल्याचे उद्दिष्ट डोळ्यासमोर ठेवून अनेक गावातील नळ पाणीपुरवठा योजनांची कामे मूळ ठेकेदार ऐवजी उपटेकेदाराकडून करण्यात आली आहेत महाड तालुक्यातील बहुतांशी गावात जलजीवन मिशन योजनेअंतर्गत नळ पाणीपुरवठा योजनांची कामे पूर्ण झाल्यानंतर त्याबाबत देखभाल दुरुस्ती कोणी करायची याचा मोठा गहन प्रश्न येत्या काळात महाड तालुक्या सह रायगड जिल्ह्यात निर्माण होणार आहे निकृष्ट दर्जाच्या नळ पाणीपुरवठा योजनांची कामे करणाऱ्या तक्रारदाराला दमदाटी करण्याची देखील प्रकार तालुक्यातील ग्रामीण भागात मे महिन्याच्या सुमारास घडले आहेत तक्रार करून देखील पंचायत समितीच्या पाणीपुरवठा विभागाने याकडे जाणीवपूर्वक दुर्लक्ष केले आहे